Vinpressa

Det er vanskeleg å skildre vin med ord. Spesielt om det er ein vin som ein likar særs godt, kan det vere vanskeleg å få fram kva som er bra og kor bra den faktisk er, til ein lesar av omtalen. Nokre nyansar og aromaer som til dømes sitron eller solbær er lettare å setje ord på enn den komplekse aromaen av krydder og dyrepels i ein Vosne-Romanée.

Vinskribentar nyttar ulike begrep og språk. Nokre er konkrete og prøver å skildre mest mogleg av dei ulike aromaer og smakar som dei finn i vinen. Nokre går meir lyrisk til verks og brukar metaforar og samanlikning. Nokre slaktar eller er panegyriske i sin omtale, andre meir nøktern. Nokre brukar poengsystem i tilleg til omtale, andre kastar berre terningen.

Eg vil gjerne at skriveføre personar/poetar/lingvistar tek kontakt for eit evt. møte over/ved/etter ei flaske eller tre av godt merke. Kanskje kan vi kaste lys/terning/nye ord over dette temaet. Kan hende blir det gull, kanskje vert det vas. Den som har lever får sjå.